اسلام آباد۔27فروری(اے پی پی)صدر مملکت ڈاکٹر عارف علوی آکھیے جو روایتی سکیورٹی دے نال نال’سائبرقوت‘ دا حصول ملک کوں استحکام اتے ترقی دی تیز ترین راہ تے سٹ سڳدے۔ او اسلام آباد اچ ایئر یونیورسٹی دے 10ویں کانووکیشن نال خطاب کریندے صدر ڄڳ دے پنڄویں آبادی آلے ملک اچ عصری شعباں بالخصوص مصنوعی ذہانت، سائبر اسپیس اتے ڈیٹا نال چلݨ آلی ٹیکنالوجی اچ علم ڳھنݨ تے زور ݙتے۔ انہاں آکھیا جو پاکستان جوہری ڈیٹرنس جھیں روایتی دفاع اچ پیشہ ورانہ مہارت ڳھدی اے ٻھل سائبر اسپیس اچ تکرا تھیوݨ وی بقا کیتے ضروری اے، سائبر علم ملک دی وݙی نوجوان آبادی کوں عصری مہارتاں ݙیوݨ دا وݙا ذریعہ اے۔ صدر مملکت نوجواناں کوں کوانٹم کمپیوٹنگ اتے مصنوعی ذہانت بارے ضروری معلومات ݙیوݨ بارے فیصلہ سازی تے وی زور ݙتے۔
