کراچی۔15فروری (اے پی پی) صدر مملکت ڈاکٹر عارف علوی بینکنگ سیکٹر اتے ریاستی اداریاں تے خصوصی لوکاں کوں فعال شہری ٻݨاوݨ کیتے اقدامات کرݨ تے زور ݙیندیں ہوئیں آکھیا جو خصوصی لوکاں کیتے روزگار، سہولتاں اتے قبولیت ودھاوݨ کیتے سانجھی کوششاں کرݨٰ پوسن، کاروباری اداریاں کوں معاشرے دے پسماندہ طبقیاں دی مدد کیتے اپݨی ذمہ واریاں وی نبھاوݨٰی چاہیدن۔ تریمتیں اتے خصوصی لوکاں دی خودمختاری دے شعبیاں اچ چنگی کارکردگی آلے بینکاں دی حوصلہ افزائی کیتے سالانہ انعامی طریقہ کار ٻݨاوݨا چاہیدے۔ صدرمملکت اے ڳالھیں گورنر ہاؤس کراچی اچ بینکاں، سٹیٹ بینک آف پاکستان، پاکستان ٹیلی کمیونیکیشن اتھارٹی، ایف آئی اے اتے ٻے نمائندیاں نال تریمتیں کوں بااختیار ٻݨاوݨ اتے مختلف صلاحیتاں دے لوکاں دی شمولیت بارے اجلاس اچ آکھی۔ ایں موقع تے ڳالھ کریندیں ہوئیں خاتون اول بیگم ثمینہ علوی خصوصی لوکاں کیتے خوداںحصاری کوں ودھاوݨ اتے ملازمت دے موقع پیدا کرݨ دی لوڑھ تے زور ݙتا۔
