اسلام آباد۔17اکتوبر(اے پی پی)وفاقی وزیر اطلاعات، نشریات، قومی ورثہ و ثقافت عطاء اللہ تارڑ شنگھائی تعاون تنظیم دے سربراہان حکومت دی کونسل دے 23 ویں اجلاس دی کامیابی تے صدر مملکت آصف علی زرداری، وزیراعظم محمد شہباز شریف، حکومت پاکستان اتے پاکستان دے عوام کوں مبارکباد پیش کرݨ دی قرارداد پیش کیتی جیڑھی ایوان کثرت رائے نال منظور کر ڳھدی۔ قرارداد موجب اے ایوان، صدر مملکت آصف علی زرداری، وزیراعظم محمد شہباز شریف، نائب وزیراعظم و وزیر خارجہ محمد اسحاق ڈار، سپیکر قومی اسمبلی ایاز صادق سودھا سابق سپیکر صاحبان جنہاں علاقائی تعاون ودھاوݨ کیتے اپݨا کردار ادا کیتے۔ اے ایوان ایس سی او دے اہداف اتے مقاصد کیتے حکومت پاکستان ولوں مکمل حمایت دے عزم دی تعریف کریندے اتے سمجھدے جو 27 سال بعد پاکستان اچ شنگھائی تعاون تنظیم ڄھیاں کوئی وݙا ایونٹ کامیابی نال تھئے جیندی میزبانی پاکستان کیتے اہم سنگ میل اے، ایس سی او سربراہ اجلاس نال پاکستان دا مثبت تشخص ابھریے اتے پاکستان کوں علاقائی تجارت اچ مدد اتے امن و استحکام ودھسی، اے ایوان شنگھائی تعاون تنظیم دے خطے اچ سیاسی، اقتصادی، دفاعی و سلامتی مسائل تے اہم کردار کوں منیندے جو پاکستان خطے دا اہم اتے متحرک ملک اے، خطے دے اہم علاقائی و سلامتی مسائل تے ایس سی او کانفرنس اچ پاکستان دا مضبوط موقف پاکستانی قوم دی ترجمانی اے۔ اے ایوان حکومت پاکستان، وزارت خارجہ، وزارت اطلاعات، وزارت داخلہ اتے قانون نافذ کرݨ آلے اداریاں پولیس، رینجرز اتے پاک فوج دے شنگھائی تعاون تنظیم (ایس سی او) سمٹ سانڳے اہم کردار تے خراج تحسین پیش کریندے، ایس سی او کانفرنس تے وفاقی دارالحکومت کوں سوھݨا سڄاوݨ، مہماناں دی میزبانی اتے پاکستان دا ماݨ ودھاوݨ کیتے سارے حکومتی اداریاں دی خدمات قابل تعریف ہین۔ ایوان اے قرارداد کثرت رائے نال منظور کر ڳھدی اے۔
.jpg)
