اسلام آباد – 07 آڪٽوبر (اي پي پي) وزيراعظم عمران خان مستحق، لاچار ۽ ڪمزور طبقن کي سهولتن جي فراهمي جي عزم جو اظهار ڪندي چيو ته نيا پاڪستان هڪ فلاحي رياست جو قيام هوندو، هيٺين طبقي کي مٿي آڻڻ لاءِ هر ممڪن قدم کڻنداسين، اميرن کان ٽيڪس وصول ڪري غريبن تي خرچ ڪنداسين. اهڙن خيالن جو اظهار هن احساس سيلاني لنگر خانه اسڪيم جو افتتاح ڪندي ڪيو، وزيراعظم عمران خان چيو ته سيلاني ٽرسٽ کي اهو نيڪ ڪم شروع ڪرڻ تي مبارڪباد ڏيان ٿو، خوش قسمت ماڻهو الله جي نيڪ ڪمن ڏانهن متوجهه هوندا آهن، الله تعاليٰ نيڪ ڪم ڪندڙن جي دلين ۾ سڪون پيدا ڪندو آهي.
