پاکستان دی برکس اجلاس دی کامیاب میزبانی تے چین کوں مبارخ ، تنظیم دے ھک رکن ملک دی طرفوں پاکستان دی اجلاس اچ شرکت روکݨ تے اظہار افسوس،ترجمان دفترخارجہ

2025-03-07 17:38:36

اسلام آباد۔27جون (اے پی پی):پاکستان برکس اجلاس دی کامیاب میزبانی تے چین کوں مبارخ ݙیندے ہوئیں تنظیم دے ھک رکن ملک دی طرفوں پاکستان کوں اجلاس اچ شرکت توں روکݨ تے افسوس دا اظہار کیتے ۔ برکس اجلاس دے موقع تے منعقدہ ’عالمی ترقی تے اعلیٰ سطحی مکالمے‘بارے ترجمان دفتر خارجہ سنوار کوں جاری بیان اچ آکھیے جو پاکستان عالمی برادری کوں پیش آندے چیلنجز نال نبݨݨ کیتے برکس دے رکن ملکاں سودھے سارے ترقی پذیر ملکاں دے رلے کھڑے ، ایں سال ”عالمی ترقی تے اعلیٰ سطحی ڈائیلاگ“ برکس دی طرفوں منعقد کیتا ڳئے جیں وچ ٻہوں سارے ترقی پذیر اتے ابھردی ہوئی معیشتاں کوں سݙیا ڳیا ہئی ، بیان اچ آکھیا ڳئے جو چین میزبان ملک ہووݨ دے ناطے برکس اجلاس توں پہلے پاکستان نال ڳالھ مہاڑ وچ شامل رہیا ، برکس رکن ملکاں نال مشورے دے بعد فیصلے کیتے ویندن جݙاں جو غیر رکن ملکاں کوں اجلاس اچ شرکت دی دعوت ݙتی ویندی اے ، ترجمان ایں ڳالھ تےافسوس دا اظہار کیتے ھک رکن پاکستان دی شرکت کوں روک ݙتا تاں جو اساں امید کریندوں تنظیم دی مستقبل دی شمولیت ترقی پذیر دنیا دے مجموعی مفادات کوں سامݨے رکھیندے ہوئیں تے ایں انداز اچ شمولیت دے اصولاں تے مبنی ہوسی ۔ ۔ ترجمان دفتر خارجہ آکھیے اساں ترقی پذیر ملکاں دے مفادات دے ودھارے اچ چین دے کردار دی تعریف کریندوں ، پاکستان چین نال رل تے عالمی امن، مشترکہ خوشحالی تے جامع ترقی کیتے ھک مضبوط آواز رہیے پاکستان جی 77 پلس چین دا موجودہ سربراہ اے تے گلوبل ڈویلپمنٹ انیشی ایٹو دے دوستاں دے گروپ دا وی حصہ اے۔ ترجمان آکھیے جو پاکستان تے چین ہر ویلھے سٹریٹجک شراکت دار ہن تے ساݙا پکا بھرپی آلا ڳانڈھا وی تکڑا ہے پیا ۔

مضمون کا ماخذ : ولف گولڈ

متعلقہ مضامین