کہیں فسطائی گروہ یا جتھے کوں اسلام آباد تے چڑھائی دی اجازت نہ ݙتی ویسی ، سینیٹر اعظم نذیر تارڑ

2025-03-07 17:39:12

اسلام آباد۔24مئی (اے پی پی):سینیٹ اچ قائد ایوان و وزیر قانون سینیٹر اعظم نذیر تارڑ آکھیے جو کہیں فسطائی گروہ یا جتھے کوں اسلام آباد تے چڑھائی دی اجازت نہ ݙتی ویسی ، قانون نافذ کرݨ آلیں ادارے آئین و قانون دے مطابق اپݨا اختیار استعمال کریسن ، اسلام آباد دے شہریاں دے تحفظ کوں یقینی بݨایا ویسی۔ سینیٹ اجلاس اچ قائد حزب اختلاف سینیٹر ڈاکٹر شہزاد وسیم دے چاتے ڳئے نکتے دا جواب ݙیندے ہوئیں قائد ایوان آکھیے ماضی اچ اتھاں جیڑھا کجھ تھیندا رہیا او ساریں کوں پتہ اے ، سیاست اچ رواداری ختم کر تے ظلم و بربریت دا مظاہرہ کیتا ڳئے، ارکان پارلیمنٹ دی گرفتاری کیتے سپیکر اتے چیئرمین سینیٹ دی اجازت درکار ہوندی اے لیکن قائد حزب اختلاف دی آواز ایں ویلھے کیوں ستی رہی جݙاں رانا ثناء اللہ تے 15 کلو ہیروئن پاتی ڳئی ، علی وزیر اتے شاہد خاقان عباسی دے پروڈکشن آرڈر جاری نہ تھیندے ہن ، مریم نواز کوں جیل اچ بی کلاس دی سہولت وی نی ݙتی ڳئی ، پارلیمان اتے ارکان پارلیمنٹ دی بنیادی آزادیاں تے پی ٹی آئی دی حکومت دے دور اچ کاری ضرباں لاتیاں ڳئن ، 70 سال اچ پہلے کݙاہیں ایویں نی تھیا لیکن انہاں کوں عدالتاں توں منہ دی کھاوݨی پئی ، ایں ویلھے ھک سنجیدہ سیاسی قیادت وفاقی حکومت اچ اے ، آئین قانون دی خلاف ورزی نہ تھیسی امن و امان کوں یقینی بݨایا ویسی۔

مضمون کا ماخذ : را کی کتاب

متعلقہ مضامین