وزیراعظم عمران خان دی صدارت اچ لاہور شہر دی ٹریفک دا دبائو گھٹ کرݨ کیتے سڑکاں دی تعمیر دے منصوبیں دے حوالے نال اجلاس

2025-03-08 17:36:03

APP68-050122 ISLAMABAD: January 05 - Prime Minister Imran Khan chairs a meeting on road projects aimed at reducing vehicular traffic burden of Lahore city. APP

اسلام آباد۔5جنوری (اے پی پی):وزیراعظم عمران خان آکھیے جو شہراں دی ترقی کتیے ایجھی لمبی مدت دی منصوبہ بندی دی لوڑھ اے جیں دے نتیجے اچ شہراں دا انتظام و انصرام عوام کوں بہتر خدمات ݙے سڳے تے محاصل وی تھی سڳئن ۔ اے ڳال انہاں ٻدھ کوں آپݨی صدارت اچ لاہور شہر وچ ٹریفک دا دبائو گھٹ کرݨ کیتے سڑکاں دی تعمیر دے منصوبیں دے حوالے نال منعقدہ اجلاس توں خطاب کریندے ہوئیں آکھی اے ۔ وزیراعظم عمران خان آکھیے جو لاہور شہر توں ٻہوں سارے محاصل جمع تھی سڳدن ، انہاں ایں سلسلے اچ شہر دی اہم زمیناں کوں استعمال اچ گھن آوݨ دی لوڑھ تے زور ݙتے جیڑھی جو ایں ویلھے استعمال اچ کائنی تے بیکار پئن ۔ وزیراعظم آکھیے جو شہر انہاں اہم جہیں کوں عوامی مفاد دے منصوبیں کیتے بروئے کار گھن آتے نہ صرف انہاں زمیناں توں فیدہ چاتا ونڄ ڳدے بلکہ ایں توں حکومت کوں کافی محاصل وی مل سڳدن ۔ وزیراعظم تجویز ݙتی اے جو لاہور اچ شہری منصوبیں کوں سرکاری و نجی شعبہ دی سانجھ نال راوی اربن ڈویلپمنٹ اتے سنٹرل بزنس ڈسٹرکٹ منصوبیں دی طرزتے چلایا ونڄے ۔ اجلاس کوں پنجاب حکومت دے گلبرگ مین بولیورڈ توں ایم ٹو موٹروے ایلیویٹڈ ایکسپریس وے منصوبے متعلق بریفنگ ݙتی ڳئی ۔ وزیراعظم کوں ݙسایا ڳیا جو ایلیویٹڈ ایکسپریس وے لاہور دے شہریاں اتے مسافراں کوں شرقی اتے غربی ݙیسی اتے ایندے توں موجودہ سڑکاں تے ٹریفک دا دباؤ گھٹ تھیسی ، اجلاس کوں ݙسایا ڳئے جو پنجاب حکومت ایندے توں پہلے منصوبے کیتے 5 ارب روپے خرچ کیتے جݙاں جو منصوبہ دی کل لاگت دا تخمینہ 61 ارب روپے لاتا ڳئے اتے اے 15 مہینے اچ پورا تھیسی ، منصبے توں سفر دا دورانیہ 30 منٹ گھٹ تھیجسی اتے روزانہ 73 ہزار گاݙیاں روٹ استعمال کریسن ۔ اجلاس اچ وفاقی وزیر خزانہ شوکت ترین، وفاقی وزیر تعلیم شفقت محمود، وفاقی وزیر منصوبہ بندی و ترقی اسد عمر، وفاقی وزیر اطلاعات و نشریات چوہدری فواد حسین اتے وزیراعظم دے معاون خصوصی ڈاکٹر شہباز گل شرکت کیتی جݙاں جو وزیراعلیٰ پنجاب سردار عثمان بزدار، پنجاب دے صوبائی وزراءاور سینئر حکام ویڈیو لنک دے ذریعے شریک تھئن ۔

مضمون کا ماخذ : ڈاگ ہاؤس

متعلقہ مضامین