اسلام آباد۔17ستمبر(اے پی پی)نگراں وزیرِ اعظم انوار الحق کاکڑ 5 ݙینھ دے دورے تے امریکا ٹر ڳن جتہاں او نیویارک اچ تھیوݨ آلے اقوامِ متحدہ دی جنرل اسمبلی دے 78ویں اجلاس نال خطاب کریسن۔ نگراں وزیرِ اعظم نیویارک اچ جنرل اسمبلی اجلاس دے موقع تے کئی عالمی رہنماواں نال وی ملسن اتے اقوام متحدہ جنرل اسمبلی اجلاس دے علاوہ موسمیاتی تبدیلی بارے تھیوݨ آلی اہم کانفرنس اچ وی ویسن۔ انوار الحق کاکڑ اپݨے دورے اچ بین الاقوامی ذرائع ابلاغ دے نمائنداں نال ملسن اتے امریکہ دے معروف تھنک ٹینکس دا دورہ کریسن۔
