اسلام آباد۔13نومبر(اے پی پی)وزیراعظم شہباز شریف ترکیہ اچ دہشت گردی دے واقعہ دی مذمت کریندے ہوئے قیمتی انسانی جاناں دے ضیان تے افسوس کیتے۔ ہک بیان اچ وزیر اعظم آکھیے جو استنبول اچ استقلال سٹریٹ دے دھماکے دی شدید مذمت کریندے ہیں اتے قیمتی انسانی جاناں دے ضیان تے ٻہوں ݙکھ اے، ٻالاں سودھا واقعہ اچ زخمی تھیوݨ الیاں دی تیکھے صحت یابی دی دعا کریندے ہیں۔ انہاں آکھیا جو پاکستان ترکیہ دے عوام اتے حکومت نال مکمل یک جہتی کریندے اتے اینڄھی ہر قسم دی دہشت گردی قابل مذمت اے۔
