بيجنگ _07 فيبروري (اي پي پي ) چين ترڪيه لاءِ 5.9 ملين ڊالر جي هنگامي امداد فراهم ڪرڻ جو اعلان ڪيو آهي . ان کان علاوه چين جي ريڊ ڪراس سوسائٽي به شام ۽ ترڪيه کي فوري طورتي 2 ، 2 لک ڊالر جي امداد فراهم ڪندي . چيني ٽي وي چينل جي رپورٽ مطابق چيني حڪومت زلزلي سان منهن ڏيڻ ۽ بچاءَ جي ڪمن لاءِ ترڪيه لاءِ هنگامي امداد جي مد ۾ 40 ملين يوآن (اٽڪل 5.9 ملين ڊالر ) مقرر ڪندي . چين ترڪيه جي متاثر علائقن ۾ امدادي ۽ طبي ٽيمون به موڪليندو ۽ متاثرن جي مدد لاءِ رقم به فراهم ڪندو . چائنا انٽر نيشنل ڊويلپمنٽ کي آپريشن ايجنسي گذريل ڏينهن تي چيو هو ته چين شام ۽ ترڪي جي اختيارين سان رابطي ۾ آهي ۽ کيس فوري طورتي انساني امداد فراهم ڪرڻ لاءِ تيار آهي .
