اسلام آباد۔10مئی(اے پی پی):چیئرمین سینیٹ سید یوسف رضا گیلانی گوادر دے علاقے سربندر اچ 7 مزدوراں دے بہیمانہ قتل تے ݙکھ تے افسوس کریندے ہوئیں دہشت گردی دے واقعے کوں قابل مذمت قرار ݙتے۔ سینیٹ سیکرٹریٹ توں جاری بیان موجب چیئرمین سینیٹ آکھیے دہشتگرداں دا کہیں وی مذہب نال کوئی تعلق کائنی اوانسانیت دے دشمن ہن۔دہشت گرداں کوں مکاوݨ سانڳے ہر ممکن قدم چاتا ونڄے تاں جو عوام بغیر کہیں ݙردے آپݨی زندگی گزار سڳن ۔چیئرمین سینیٹ نشوم مزدوراں دے لواحقین نال افسوس کریندے ہوئیں مرحومین سانڳے دعائے مغفرت کیتی۔ چیئرمین سینیٹ آکھیے قتل تھیوݨ آلے مزداں دے لواحقین دے ݙکھ اچ برابر دے شریک ہیسے ۔چیئرمین سینیٹ سید یوسف رضا گیلانی آکھیے دہشت گرد ترقی دے عمل کوں روکݨ چاہندن او کݙاہیں وی کامیاب نہ تھیسن ۔ایجھے دہشت گرد حملے ملک اچ امن وامان دی صورتحال کوں سبوتاژ نی کرسڳدے پاکستان دہشت گردی دے ناسور کوں مکاوݨ سانڳے پرعزم اے ۔ڈپٹی چیئرمین سینیٹ سیدال خان وی صوبہ بلوچستان دے علاقہ گوادر اچ نہتے نشوم مزدوراں تے تھیوݨ آلی دہشت گردی دے واقعے دی شدید الفاظ اچ مذمت کریندے ہوئیں آکھیے دہشت گرد انسانیت دے قاتل ہن دنیا دا کوئی وی مذہب دہشت گردی دی اجازت نی ݙیندا ۔
