اسلام آباد۔21اکتوبر(اے پی پی) سپریم کورٹ اچ عام انتخابات کیس سماعت کیتے مقرر کت ݙتا ڳئے، چیف جسٹس قاضی فائز عیسیٰ دی اڳواݨی اچ 3 رکنی بنچ 23 اکتوبر کوں سماعت کریسی۔ عدالت عظمی دی کاز لسٹ دے مطابق چیف جسٹس قاضی فائز عیسیٰ دی سربراہی اچ سپریم کورٹ دا 3 رکنی بینچ ملک اچ عام انتخابات کراوݨ بارے کیس دی سماعت کریسن بنچ اچ جسٹس امین الدین خان اتے جسٹس اطہر من اللہ شامل ہین۔ عدالت کیس دے فریقین کوں نوٹسز جاری کر ݙتن۔ ملک اچ نوے ݙینھ اچ عام انتخابات کراوݨ کیتے سپریم کورٹ بار ایسوسی ایشن اتے پی ٹی آئی سودھا ٻئے درخواستگزاراں درخواستاں دائر کیتاں ہوئن۔
