اسلام آباد۔18جولائی(اے پی پی):وفاقی وزیر برائے تعلیم و پیشہ ورانہ تربیت رانا تنویر حسین نال صدر بین الاقوامی اسلامی یونیورسٹی اسلام آباد ڈاکٹر ھذال حمود العتیبی ملین، انہاں ملک اچ معیاری تعلیم دے ودھارے دے اقدامات اتے سماجی ترقی کیتے یونیورسٹیاں دے کردار تے الایا۔ انہاں یونیورسٹی اچ شریعہ و قانون اتے عربی دیاں کلیات اچ ریفریشر لیگل کورسز متعارف کراوݨ، عربی زبان دی ترقیج کیتے اقدامات تے وی الایا۔ رانا تنویر حسین یونیورسٹی نال تعاون دا یقین ݙویندے آکھیا جو یونیورسٹیاں کوں ترقی کیتے روابط دے مواقع ݙیوݨ ترجیح اے، تعلیمی میدان اچ پاک سعودی ڳانݙھا ودھاوݨ دی لوڑھ اے۔ یونیورسٹی دے صدر وفاقی وزیر کوں سعودی حکومت ولوں ݙتے ڳئے فنڈز نال جدید اکیڈمک بلاک دے افتتاح دی دعوت ݙتی اتے یونیورسٹی دے انفراسٹرکچر و تعلیمی بہتری دےا قدامات دا ݙسایا۔
