اقوام متحدہ ۔20اکتوبر(اے پی پی) پاکستان جی ۔77 اتے چین تے مشتمل ترقی پزیر ملکاں دے 134 رکنی گروپ دے چیئرمین دی حیثیت نال اقوام متحدہ تے زور ݙتے جو او آپݨی توجہ ماحولیاتی تبدیلیاں تے ݙیوے تاں جو سارے ملکاں کوں ٻہوں متاثر کریندی پئی اے ۔اقوام متحدہ اچ پاکستان دے مستقل مندوب منیر اکرم ترقی پذیر ملکاں دے گروپ دی نمائندگی کریندے ہوئیں سیاسی اتے نو آبادیاں دی آزادی متعلق امور بارے جنرل اسمبلی دی فورتھ کمیٹی جیڑھی جوجنرل اسمبلی دی (فورتھ) کمیٹی توں خطاب کریندے ہوئیں آکھیے جو پاکستان اتے وینزویلا اچ اڄوکے سیلاب توں تھیوݨ آلی تباہی ماحولیاتی تبدیلیاں دے منفی اثرات دی تازہ ترین مثال اے۔ انہاں اقوام متحدہ توں مطالبہ کیتے جو او ماحولیاتی تبدیلیاں دے نتیجے اچ تھیوݨ آلے مسئلیں دے حل تے توجہ ݙیوے ۔ پاکستانی مندوب آکھیے اساں دنیا دے کمیونیکیشن ڈیپارٹمنٹس توں مطالبہ کریندوں جو او ایں ویلھے دنیا کوں سامݨے آندے چیلنجز بشمول کورونا وائرس دی عالمگیر وبا، ماحولیاتی تبدیلیاں، جوہری ہتھیاراں دی کھنڈ تے جاری جنگاں تے سٹریٹجک ردعمل ݙکھاون ۔
