اسلام آباد۔13ستمبر (اے پی پی):وزیر اعظم محمّد شہباز شریف دی خصوصی ہدایت تے سیلاب آلے علاقیں دیاں سڑکاں تے بجلی دی بحالی دا ہنگامی بنیاداں تے جاری اے ،تیمر گرہ ۔ باجوڑ 132 کے وی ٹرانسمیشن لائن ، گوادر توں رتوڈیرو موٹروے ایم 8 دے آپریشنل سیکشن بحال کر ݙتے ڳئن ، وزیراعظم آفس میڈیا ونگ توں جاری بیان موجب وزیر اعظم بحالی دے کماں دی خود مانیٹرنگ کریندے پئن جݙاں جو انہاں کوں روزانہ رپورٹ پیش کیتی ویندی پئی اے ۔گوادر توں رتوڈیرو موٹروے ایم 8 دے آپریشنل سیکشن ٹریفک کیتے بحال کرݙتے ڳئن ۔ایم 8 وانگو ہلز دی جاہ توں لینڈ سلائیڈنگ کلیئر کرݙتی ڳئی ۔ایم 8 موٹروے بحال تھیوݨ توں گوادر، آواران، خضدار اتے رتوڈیرو کیتے ٹریفک بحال تھی ڳئی اے ۔ایم 8 موٹروے سیکشن کوں مسافراں دی سوکھ کیتے ھک پاسے کھولیا ڳئے ۔تیمر گرہ ۔ باجوڑ 132 کے وی ٹرانسمیشن لائن بحال کرݙتی ڳئی۔باجوڑ اتے منڈا گرڈ سٹیشنز تے معمول دے آپریشنز بحال تھی ڳئن۔بھان سعیدآباد کوں متبادل ذریعے توں بجلی سپلائی ڈتی ویندی پئی اے ۔وارا دے قصبے کوں قمبر گرڈ سٹیشن توں بجلی سپلائی ݙتی ویندی پئی اے ۔وزیر اعظم دی ہدایت تے نیشنل ہائی وے اتھارٹی اتے پاور ڈویژن بحالی دا ݙینھ رات کم کریندے پئن۔
