راولپنڈی۔21دسمبر (اے پی پی):پاکستان مقامی طور تے تیار کیتے ڳئے بابر کروز میزائل 1B دے ودھ رینج آلے ورژن دا کامیاب تجربہ کیتے۔ ڈائریکٹر جنرل سٹرٹیجک پلانز ڈویژن لیفٹیننٹ جنرل ندیم ذکی منج، چیئرمین نیسکام ڈاکٹر رضا ثمر، کمانڈر آرمی سٹرٹیجک فورس کمانڈ لیفٹیننٹ جنرل محمد علی، سٹرٹیجک پلانز ڈویژن اتے سٹرٹیجک فورسز دے سینئر افسران، سٹرٹیجک اداریں دے سائنسداناں اتے انجینئرز میزائل لانچ دا مشاہدہ کیتے۔ پاک فوج دے شعبہ تعلقات عامہ موجب ڈائریکٹر جنرل، سٹریٹجک پلانز ڈویژن سائنسداناں اتے انجینئرز کوں کروز میزائل ٹیکنالوجی دے شعبے اچ بہترین کارکردگی ݙکھالݨ تے مبارخ ݙتی اتے آپݨے مکمل اعتماد دا اظہار کیتے اے تجربہ پاکستان دی سٹرٹیجک ڈیٹرنس کوں مزید تقویت ݙیسی۔ صدر مملکت، وزیر اعظم پاکستان، چیئرمین جوائنٹ چیفس آف اسٹاف کمیٹی اتے سروسز چیفس وی سائنسداناں اتے انجینئرز کوں کامیاب تجربہ تے مبارخ ݙتی اے ۔
