راولپنڈی۔29جولائی(اے پی پی)گوادر اچ نام نہاد بلوچ راجی مچی دی اݙ اچ سکیورٹی ڈیوٹی ݙیوݨ آلے سکیورٹی فورسز دے اہلکاراں تے حملہ تھئے جیندے اچ پاک فوج دا جوان شہید ڄݙاں جو ہک فوجی افسر سودھا 16 جوان زخمی تھی ڳن۔ آئی ایس پی آر دے مطابق29 جولائی کوں نام نہاد بلوچ راجی مچی دے اݙ اچ پرتشدد ہجوم گوادر ضلع اچ سکیورٹی فورسز اہلکاراں تے حملہ کیتے جیندے نال ضلع سبی دا 30 سالہ سپاہی شبیر بلوچ شہید تھئے اتے مظاہرین دے حملیاں اچ ہک افسر سودھا 16 فوجی زخمی تھئین۔ ٻئے پاسو سوشل میڈیا تے غیر قانونی پرتشدد مارچ کیتے ہمدردی سانڳے پروپیگنڈا بازاں جعلی تصاویر اتے ویڈیوز لیندے ہوئے جعلی پروپیگنڈہ شروع کر ݙتے۔ سیکورٹی فورسز اشتعال انگیزی دے باوجود غیر ضروری شہری ہلاکتاں توں بچݨ کیتے صبر ݙکھائے ٻھل ہجوم دیاں اے پرتشدد کارروائیاں ناقابل قبول ہین اتے ذمہ داراں کوں انصاف دے کٹہرے اچ ڳھن آیا ویسی، شہریاں کوں آکھیا ویندے جو او پروپیگنڈے اچ نا آندے ہوئے پرامن راہون اتے امن امان سانڳے قانون نافذ کرݨ آلے اداریاں دا ہتھ ونݙاون۔ آئی ایس پی آر آکھیے جو پاکستان دیاں سکیورٹی فورسز قوم نال رل تے بلوچستان دا امن خراب کرݨ دیاں کوششاں کرݨ آلے عناصر کوں ناکام ٻݨاوݨ کیتے پرعزم ہین۔
