لاہور۔1مئی (اے پی پی) وزیراعظم محمد شہباز شریف آکھیا جو مزدوراں دے مسئلیاں دا پورا ادراک اے، حکومت آندے بجٹ اچ مزدوراں کوں ریلیف ݙیوݨ کیتے اقدامات کریسی، مزدور کوں جائز حق نہ ملسی تاں ملک ترقی نی کر سڳدا، حکومت مزدوراں دی اجرت ودھاوݨ بارے کم کریسی، کرپشن ملک دی تباہی دا سبب اے، جلدی ایندا خاتمہ کریسوں۔ سعودی عرب دا اڄوکا دورہ کامیاب رہیے، جلدی ٻاہرلی سرمایہ کاری نال ملک کوں بحراناں توں کݙھیسوں۔ اے ڳالھیں انہاں بدھ کوں مزدوراں دے جڳ ݙیھاڑ دے موقع تے آپݨے گھر مزدوراں دے اعزاز اچ تھیوݨ آلی تقریب توں خطاب کریندیں ہوئیں آکھی۔ وزیراعظم محمد شہباز شریف آکھیا جو او قومی معیشت اچ مزدوراں اتے محنت کشاں دی قدر بخوبی ڄاݨدن۔ حکومت آندے بجٹ اچ مزدوراں کوں ریلیف ݙیوݨ کیتے اقدامات کریسی، مزدور کوں جائز حق نہ ملسی تاں ملک ترقی نی کر سڳدا، حکومت مزدوراں دی اجرت ودھاوݨ بارے کم کریسی، کرپشن ملک دی تباہی دا سبب اے، جلدی ایندا خاتمہ کریسوں۔انہاں تقریب دے شرکا کوں آکھیا جو میں تساں کوں دلوں آپݨے گھر سݙیے، تساں اڄ سرکاری مزمان نی بلکہ محمد شریف دے گھر اچ موجود او، تساں میݙے مزمان ہیوے، اے دعوت محمد نواز شریف اتے میݙے ولوں اے۔ دلی خوشی اے جو میکوں تساݙی مزمان نوازی دا موقع ملیے۔
