کوئٹہ۔29جنوری (اے پی پی):ڈپٹی اسپیکر قومی اسمبلی قاسم خان سوری آکھیے جو بلوچستان اچ مزدور پیشہ لوکاں کوں تیار کھاݨے دی مفت فراہمی کیتے مخیر حضرات دے تعاون نال خصوصی اقدامات کیتے ویندے پئن ، وزیر اعظم عمران خان دی ہدایت تے کوئی “بھکا نہ سمے” پروگرام دے تحت تیارکھاݨے دی فراہمی دے ایں کار خیر اچ کوئی حکومتی وسائل استعمال نی کیتے ویندے پئے بلکہ خیر خواہ لوکاں دے تعاون توں اے پروگرام چلایا ویندا پئے ، اے ڳالھ انہاں ہفتے کوں اتھاں نواں کلی اچ غریب اتے مزدور پیشہ لوکاں اچ کھاݨا ݙیوݨ دے پروگرام دے موقع تے آکھی اے ، ایں موقع تے حلال احمر بلوچستان دے چئیرمین عبدالباری بڑیچ وی موجود ہن ۔ڈپٹی اسپیکر قومی اسمبلی قاسم خان سوری آکھیے جو وزیر اعظم عمران خان فلاحی کماں دا بے مثل جذبہ رکھیندن تے انہاں کوں غریباں تے مزدور پیشہ لوکاں دی مشکلات دا بخوبی احساس اے شوکت خانم میموریل ہسپتال سودھے بئے فلاحی اقدامات دے نال ہݨ غریب لوکاں کوں کھاݨے دی فراہمی دا ھک غیر حکومتی خالصتا فلاحی پروگرام شروع کیتا ڳئے اتے ” کوئی بھکا نہ سمے ” سلوگن دے نال کوئٹہ شہر دے مختلف علاقیں اچ تیار معیاری کھاݨا ݙتا وینداے پئے ۔
