اسلام آباد۔17اپریل (اے پی پی) وزیر اعظم محمد شہباز شریف آکھیا جو وفاقی وزیر مذہبی امور مفتی عبدالشکور ہک جید عالم، باعمل مسلمان اتے صالح انسان ہن، انہاں دے انتقال نال نہ صرف انہاں دا ٹٻر بلکہ کابینہ، پارلیمان اتے سیاست ساریاں کیتے ہک وݙا خلاء پیدا تھی ڳے۔ وفاقی کابنہ دا اجلاس وزیر اعظم محمد شہباز شریف دی صدارت اچ تھیا۔ اجلاس اچ وفاقی وزیر مذہبی امور مفتی عبدالشکور دی کار حادثے اچ انتقال تے ݙکھ تے افسوس کیتا ڳیا اتے انہاں کیتے فاتحہ خوانی کیتی ڳی۔ اجلاس توں خطاب کریندیں ہوئیں وزیراعظم آکھیا جو وفاقی وزیر مذہبی امور مفتی عبدالشکور ہک جید عالم، باعمل مسلمان اتے صالح انسان ہن، انہاں دے انتقال نال نہ صرف انہاں دا ٹٻر بلکہ کابینہ، پارلیمان اتے سیاست ساریاں کیتے ہک وݙا خلاء پیدا تھی ڳے۔اجلاس اچ ٹائمز میگزین ولوں وفاقی وزیر شیری رحمان کوں موسمیاتی تبدیلی بارے پراثر آواز چاوݨ تے دنیا دے سو بااثر لیڈراں دی فہرست اچ شامل تھیوݨ تے مبارخ ݙتی ڳی اتے خراج تحسین پیش کیتا ڳیا۔ وفاقی کابینہ وزارت خزانہ ولوں ٻھیجی ڳی سمری کوں قومی اسبلی کوں بھجوا ݙتی جیڑھی جو قومی اسمبلی دی قائمہ کمیٹی براے خزانہ تے محصولات دی الیکشن کمیشن کوں پنجاب اتے خیبر پختونخوا اچ انتخابات بارے رقم ݙیوݨ دی سفارشات دی روشنی اچ ٻݨائی ڳی اے۔
