اسلام آباد۔17اپریل (اے پی پی):پاکستان ، افغانستان دی حکومت توں ݙوہیں بھرا ملکاں دے درمیان امن تے ترقی کیتے پاک افغان سرحدی علاقیں کوں محفوظ بݨاوݨ تے پاکستان اچ دہشت گردی دیاں سرگرمیاں اچ ملوث لوکاں دے خلاف سخت کارروائی دی درخواست کیتی اے ۔دفتر خارجہ دے ترجمان پاک افغان سرحد تے تھیوݨ آلے اڄوکے واقعات دے حوالے نال میڈیا دے سولاں دے جواب اچ اتوار کوں جاری تھیوݨ آلے بیان اچ آکھیے جو پاکستان ھک واری ول ملک اچ دہشت گردی دیاں سرگرمیاں کیتے افغانستان دی سرزمین کوں استعمال کرݨ دی شدیدمذمت کریندے ، اے پاک افغان سرحد پر امن اتے استحکام کوں برقرار رکھݨ دی ساݙی کوششاں کیتے نقصان دہ اے۔ بیان اچ آکھیا ڳئے جو گزریل کجھ ݙینھاں اچ پاک افغان سرحد تے ایجھے واقعات اچ ودھارا تھئے جنہاں اچ سرحد پار توں پاکستانی سکیورٹی فورسز کوں نشانہ بݨایا ویندا پئے بیان اچ آکھیا ڳئے جو پاکستان تے افغانستان مشترکہ سرحد تے موثر رابطہ کاری اتے سکیورٹی کیتے ادارہ جاتی چینلز دے ذریعے گزریل کئی مہینے تں مصروف عمل ہن۔
