اسلام آباد ۔ 3 جولائی (اے پی پی) وزیراعظم دی معاون خصوصی برائے اطلاعات تے نشریات ڈاکٹر فردوس عاشق اعوان آکھیا جو وزیراعظم عمران خان ملک اچ قانون دی حکمرانی، اداریاں کوں بااختیار بنڑاونڑ،امیر غریب سانگے ہکو جیہا قانون لاونڑ سانگے مینڈیٹ گھن تے آئن،۔بدھ کوں اتھاں قومی اسمبلی دی قائمہ کمیٹی برائے اطلاعات تے نشریات دے اجلاس دے بعد میڈیا نال گالھ مہاڑ کریندیں ہوئیں انہاں آکھیا جو رانا ثناءاللہ منشیات دی سمگلنگ اچ ملوث ہن، انہاں دی پارٹی توں توقع ہئی جو انہاں نال لاتعلقی کریسن جڈانجو انہاں دی قیادت انہاں دا دفاع شروع کر ڈتا جیڑھا جو مناسب کائنی۔انہاں آکھیا جو میڈیا دا کجھ حصہ ایں واقعے دی مذمت کرنڑ دی بجائے ڈوجھا رنگ ڈیندا پے۔انہاں آکھیا جو اے این ایف دے اہلکاراں دی بااثر شخصیات کوں غیر قانونی سرگرمیاں اچ ملوث تھیونڑ آلیاں کوں پکڑنڑ تے حوصلہ افزائی کرنڑی چاہیدی اے۔
