لاہور۔26مارچ (اے پی پی):گورنر پنجاب محمد بلیغ الرحمان آکھیے ملک اچ زرعی پیداوار ودھاوݨ کیتے ہائی ٹیک ہائبرڈ بیجاں دے ودھارے دے حوالے نال صوبائی سیڈ کمیٹی دی ذیلی کمیٹی چاول دی ساری اٹھ سفارشات کوں مناسب اہمیت ݙتی ویسی ، اتوار کوں اتھاں ھک وفد نال ڳالھ مہاڑ کریندے ہوئیں گورنر پنجاب بامقصد و قابل عمل سفارشات تیار کرݨ تے کمیٹی دے سارے ارکان دیاں کوششاں دی تعریف کریندے آکھیے جو انہاں توں زراعت دے شعبے تے مثبت اثرات پوسن ، انہاں آکھیے بین الاقوامی شہرت دے حامل ماہرین تے مشتمل ٹیم انہاں تجاویز دے انہاں دی روح دے مطابق نفاذ دا باریک بینی نال جائزہ گھندی پئی اے ۔ گورنر آکھیے وزیر اعظم شہباز شریف زراعت دے شعبے کوں اہمیت ݙیندن تے انہاں دی ہدایت تے ملک اچ فصلاں دی بہتر پیداوار کیتے بہترین کوالٹی دے بج متعارف کراوݨ کیتے میݙی سربراہی اچ صوبائی سیڈ کمیٹی تشکیل ݙتی ڳئی اے
