اسلام آباد۔2اکتوبر(اے پی پی):نگران وفاقی وزیر اطلاعات و نشریات مرتضیٰ سولنگی آکھیے انتخابات کراوݨ دی ذمے واری الیکشن کمیشن دی اے، اساں الیکشن کمیشن دی معاونت کرݨ دے ذمے وار ہیسے ، مولانا فضل الرحمان وݙی جماعت دے رہنما ہن انہاں دے بیان دا مناسب جواب الیکشن کمیشن ہی ݙے سڳدے۔ میڈیا نال ڳالھ مہاڑ کریندے ہوئیں نگران وفاقی وزیر اطلاعات ھک سوال دے جواب اچ آکھیے مولانا فضل الرحمان وݙی جماعت دے رہنما ہن ، انہاں دا بیان الیکشن کمیشن ݙیکھ ڳھدا ہوسی تے اوہو ہی ایندا مناسب جواب ݙے سڳدے۔ انتخابات کراوݨ دی ذمہ واری الیکشن کمیشن دی اے، اساں الیکشن کمیشن دی معاونت دے ذمہ وار ہیسے۔ نواز شریف دی وطن واپسی متعلق سوال تے انہاں آکھیے نواز شریف دی واپسی دا نگران حکومت نال کوئی تعلق کائنی ۔ ھک ٻئے سوال تے انہاں آکھیے چین تے پاکستان دے تعلقات سدا بہار ہن انہاں دا مستقبل ٻہوں شاندار اے۔
