اسلام آباد۔1اگست (اے پی پی) وزیراعظم محمد شہباز شریف آکھیا جو پاکستان منرل سمٹ اچ بین الاقوامی کمپنیاں دی شرکت پاکستان اچ بین الاقوامی سرمایہ کاراں دے اعتماد دی بحالی دی سند اے۔ پورا پاکستان خصوصی طور بلوچستان معدنیات توں مالا مال اے۔ انہاں قدرتی وسائل توں فائدہ چاوݨ کیتے حکومت ترجیحی بنیاداں تے کم کریندی پئی اے۔ ریکو ڈیک منصوبہ بلوچستان اتے علاقے دی ترقی کیتے گیم چینجر ثابت تھیسی۔ اے ڳالھیں انہاں منگل کوں بیرک گولڈ کمپنی دے وفد نال ڳالھ مہاڑ کریندیں ہوئیں آکھی جئیں چیف ایگزیکٹو آفیسر مارک برسٹوو دی سربراہی اچ انہاں نال ملاقات کیتی۔ ملاقات اچ بیرک گولڈ دے وفد ریکوڈک منصوبے تے سرمایہ کاری اچ پاکستان دی حکومت دے حصے دے پاکستانی روپے اچ ادائیگی تے اتفاق کیتے۔ وزیراعظم آفس میڈیا ونگ توں جاری بیان موجب ملاقات اچ مارک برسٹوو وزیراعظم کوں ریکو ڈیک اچ جاری ترقیاتی کم بارے ݙسیا۔ ایں موقع تے وزیراعظم محمد شہباز شریف آکھیا جو پاکستان منرل سمٹ اچ بین الاقوامی کمپنیاں دی شرکت پاکستان اچ بین الاقوامی سرمایہ کاراں دے اعتماد دی بحالی دی سند اے۔ ایں موقع تے وزیر مملکت پٹرولیم مصدق ملک، وزیراعظم دے معاونین خصوصی جہانزیب خان، طارق باجوہ اتے متعلقہ اعلیٰ سرکاری افسر موجود ہن۔
