باغ۔22مئی (اے پی پی) وزیراعظم دے مشیر برائے امور کشمیرو گلگت بلتستان قمر زمان کائرہ آکھیا جو سرینگر اچ جی۔ 20 کراوݨ حقائق مسخ کرݨ دی بھارتی ناکام کوشش اے، فریب تے مبنی منظر نامہ کشمیری عوام دے جذبہ آزادی کوں ٹھڈا نی کر سڳدا۔،قبولۃ کشمیر کھلی جیل وانڳ اے، مودی حکومت فریب تے مبنی منظر نامہ کشمیری عوام دے جذبہ آزادی کوں ٹھڈا کرݨ چاہندی اے پر کشمیریاں دا جذبہ آزادی قائم اے اتے پوری پاکستانی قوم مقبوضہ کشمیر دی عوام نال یکجہتی کریندیں ہوئیں انہاں نال کھڑی اے۔ جی۔20 اجلاس دے تناظر اچ دورہ باغ،آزاد کشمیر دے موقع تے “اے پی پی” نال خصوصی ڳالھ مہاڑ کریندیں ہوئیں قمر زمان کائرہ آکھیا جو کشمیریاں نال اقوام عالم اقوام متحدہ دے ذریعے حق خود ارادیت ݙیوݨ دا وعدہ کیتے۔ بھارت دے وزیراعظم پنڈٹ جواہر لعل نہرو وی کشمیریاں نال ایہو وعدہ کیتا ہئی۔ اقوام متحدہ اتے اقوام عالم درپیش مختلف معاملیاں تے جارحانہ حکمت عملی اختیار کرتے انہاں کوں حل کرا ڳھندی اے جڈانجو اقوام عالم دا کشمیریاں نال کیتا ڳیا پراݨا وعدہ اجاں تئیں وفا نی تھیا۔ انہاں آکھیا جو مقبوضہ کشمیر اچ بھارتی حکومت مختلف ادوار اچ مظلوم کشمیریاں دے خلاف مختلف ہتھکنڈے استعمال کریندی رہی اے۔ بھارت کشمیریاں دے خلاف ظلم و جبر ، تشدد ، قانونی کاروائیاں سودھے ٻے ہتھکنڈے استعمال کریندا پے جئیں دے ذریعے او کشمیر دی سنجاݨ اتے کشمیریاں دے جذبے کوں دباوݨ چاہندے۔ بھارت ایندے اچ کݙاہیں کامیاب تھیے اتے نہ تھیسی۔ قمر زمان کائرہ آکھیا جو کشمیریاں دی جدوجہد آزادی دی تحریک کہیں دی سپانسر تحریک نی بلکہ اے مقامی تحریکا ے۔ اے کشمیری عوام دی خواہشات اتے جذبات دی عکاس اے جیڑھی نسلیں توں انہاں دے خون اچ اے۔ وزیراعظم دے مشیر آکھیا جو گروپ۔ 20 دی کانفرنس دے ہک حصے کوں سرینگر اچ منتقل کر تے بھارت حقائق مسخ کرݨ دی ہک ٻے ناکام کوشش کیتی اے۔ مقبوضہ کشمیر کھلی جیل وانڳ اے۔ بھارت سرینگر کوں فوجی چھاونی اچ بدل تے جی 20 دا ہک حصہ کر تے اے تاثر ݙیوݨ دی کوشش کریندا پے جو اتھ امن اے اتے کشمیری مزاحمت نی کریندے پے۔ او اے ثابت کرݨ دی کوشش کریندا پے جو مقبوضہ کشمیر اچ بھارت دے اقدامات کوں پذیرائی ملی اے حالانکہ اے کوڑ اتے فراڈ اے۔ انہاں آکھیا جو وزیراعظم شہباز شریف اتے وزیر خارجہ بلاول بھٹو زرداری دی قیادت اچ پوری پاکستانی قوم ، ٻال ٻال ہر بندہ سرینگر اچ جی 20 اجلاس تھیوݨ دے خلاف پہلے ݙینھ توں کشمیری عوام نال کھڑن۔ مشیر امور کشمیر زور ݙتا جو اقوام عالم کوں کشمیریاں نال کیتے ڳے وعدے پورے کرݨے چاہیدن۔ انہاں امید کیتی جو اقوام عالم کوں اے ڳالھ ضروری سݨائی ویسی۔ قمر زمان کائرہ آکھیا جو وزیرخارجہ بلاول بھٹو زرداری آزاد کشمیراچ قانون ساز اسمبلی اتے جلسیاں توں خطاب کر تے مقبوضہ کشمیر دی عوام نال یکجہتی کریندے پن۔ وزیراعظم دے مشیر آکھیا جو سرینگر اچ مودی دا ڈرامہ تھیسی تاں آزادی دے بیس کیمپ توں دنیا کوں اے سنیھا ملسی جو مسئلہ کشمیر زندہ اے اتے جݙاں تئیں مسئلہ کشمیر کشمیریاں دی خواہشات دے مطابق حل نی تھیندا، اے زندہ رہسی۔
