اسلام آباد۔16جنوری (اے پی پی) نگران وفاقی وزیر قومی وزارت صحت ڈاکٹر ندیم جان آکھیا جو کورونا جے این ون وییرینٹ دے اڄاں تئیں صرف 15 کیسز رپورٹ تھین۔ این آئی ایچ لیب 8 آغا خان یونیورسٹی 5 ڈاؤ ہیلتھ یونیورسٹی کراچی 2 کیسز رپورٹ کیتن۔ منگل کوں وزارت صحت توں جاری بیان موجب ڈاکٹرندیم جان آکھیاجو وزارت کورونا دے نویں وییرینٹ دی خصوصی طور نگرانی کریندی پئی اے۔ ترجمان قومی وزارت صحت توں جاری بیان اچ انہاں آکھیا جو نویں ویرینٹ نال عوام کوں محفوظ رکھݨ کیتے سارے ضروری اقدامات کوں یقینی ٻݨیندی پئی اے۔ ڈاکٹر ندیم جان آکھیا جو وفاق صوبیاں نال رابطے اچ اے۔ انہاں آکھیا جو کورونا دا اے ویرئنٹ اڄاں تئیں دنیا اچ سٹھ توں ودھ ملکاں اچ رپورٹ تھیے۔ ڈبلیو ایچ او موجب ایں ویرینٹ دے پھیلاؤ دا رسک ٻہوں ڳھٹ اے۔
