اسلام آباد۔7اکتوبر (اے پی پی):وزیر مملکت قانون و انصاف سینیٹر شہادت اعوان آکھیے جو ملک اچ دہشت گردی روکݨ کیتے موثر اقدامات کیتے ویندے پئن ، جمعہ کوں سینیٹ اجلاس اچ سوالاں دے وقفے ویلھے سینیٹر سیمی ایزدی دے سوال دا جواب ݙیندے ہوئیں وزیر مملکت آکھیے جو ایں ویلھے پاکستان کوں دہشت گردی دی نویں لہر دا سامݨا اے، دہشت گردی دے واقعات اچ مجموعی لحاظ نال نسبتاً ودھارا تھئے ، دہشت گردی دے زیادہ تر واقعات خیبرپختونخوا تے بلوچستان دی سرحد نال متصل علاقیں اچ تھیندے پئن جݙاں جو ملک دے ٻئے علاقیں اچ کجھ ھک واقعات تھیندن انہاں آکھیے جو دہشت گردی دے واقعات کوں روکݨ کیتے بھرپور اتے موثر اقدامات کیتے ویندے پئن ۔
