اسلام آباد۔20ستمبر (اے پی پی):وزیراعظم دے مشیرانجینئرامیرمقام آکھیے جو موجودہ حکومت سیلاب متاثرین دی بحالی کیتے ترجیحی بنیاداں تے اقدامات کریندی پئی اے ،سوات اچ 2010 دے سیلاب توں وی ودھ ضیان تھئے ،مصیبت ویلھے بین الاقوامی اداریں اتے فلاحی تنظیماں بھرپورتعاون کیتے۔ اے ڳالھ انہاں منڳل کوں سوات اچ گرڈ سٹیشن دے افتتاح دے موقع تے ڳالھ مہاڑ کریندے ہوئیں آکھی اے ، انہاں آکھیے جو واپڈا دے اہلکاراں ناممکن ٹارگٹ کوں ممکن بݨا ݙتا ، انہاں آکھیے جو مصیبت ویلھے چنڳاں کم کرݨ آلے انہاں اداریں کوں خراج تحسین پیش کریندا ۔ انہاں آکھیے جو اڄوکے سیلاب اچ بجلی دی تنصیبات اتے موبائل فون ٹاورز کوں ٻہوں ضیان پجے ۔ میں متعلقہ حکام دے نال متاثرہ جاہواں دا دورہ کیتے ، انشااللہ ٻہوں وختی ول کم مکمل کر ڳھدا ویسی ، انہاں آکھیے جو پہلے سیلاب ھک مخصوص علاقے وچ آندا ہئی لیکن بدقسمتی نال ایں واری پورا ملک ہی سیلاب توں متاثرتھئے ، ملک کوں وزیراعظم محمد شہباز شریف دی صورت اچ ایجھا جذبے آلا اتے باہمت لیڈر ملیے جیڑھا خود متاثرہ علاقیں اچ ویندا کھڑے تے بحالی دے کم کوں کود مانیٹر وی کریندےپئن ، میں خصوصی طور تے افواج پاکستان کوں خراج تحسین پیش کرینداں جنہاں ہمیشہ وانڳوں سیلاب متاثرین دی بھرپور مدد کیتی۔
