اسلام آباد۔16دسمبر(اے پی پی)مسلم ورلڈ وزیراعظم محمد شہباز شریف دی اڳواݨی اچ مسلم معاشریاں اچ چھوہریں دی تعلیم سانڳے ہک انقلابی پلیٹ فارم شروع کریندی پئی اے جیڑھا اسلام آباد توں شروع تھیسی۔ پلیت فارم دا مقصد حکومتی، اسلامی اتے عالمی سول تنظیماں وچال ساڄھے داری نال ہک وݙا نیٹ ورک ٻݨاوݨ اے تاں جو چھوہریں دی تعلیم کوں ودھایا ونڄے۔ اے اقدام ” میثاقِ مکّہ ” دے آرٹیکل 25 اتے اسلامی مکاتبِ فکر اتے فرقیاں وچال پل ٻݨاوݨ کیتے چارٹر دے اصول 22 اتے 23 تے مشتمل اے ڄیکوں ݙو بین الاقوامی کانفرنساں اچ اڳونہا کیتے ڄیڑھیاں خادمِ حرمین شریفین شاہ سلمان بن عبدالعزیز آل سعود دی فراخدلانہ سرپرستی اچ تھئین۔ اے اقدام اسلامی تعاون تنظیم دے رکن ملکاں ولوں منظور شدہ قرارداداں تے عمل درآمد کریسی۔ اے مسلم ورلڈ لیگ اتے او آئی سی دے سیکرٹری جنرلز وچال دستخط شدہ مفاہمتی یادداشتاں، اسلامی فقہ کونسل اتے بین الاقوامی اسلامی فقہ اکیڈمی وچال تھیوݨ آلے معاہداں سانڳے ٻݨایا ڳئے۔ اے معاہدے 9 رجب 1445 ہجری کوں مکہ مکرمہ اچ طے تھئین۔ “مسلم معاشریان اچ تعلیم کیتے بین الاقوامی شراکت داری” دے پلیٹ فارم دا باضابطہ افتتاح ہک عالمی کانفرنس اچ کیتا ویسی جیندا عنوان ” مسلم معاشریاں اچ چھوہریں دی تعلیم: چیلنجز اتے مواقع” اے، اے کانفرنس 11 اتے 12 جنوری 2025 کوں وزیرِاعظم شہباز شریف اتے مسلم ورلڈ لیگ دی کٹھی اڳواݨی اچ تھیسی۔
لکھت: ریحان خان
