اسلام آباد۔14جولائی (اے پی پی):پاکستان تحریک انصاف دے سینیٹر فیصل جاوید آکھیے جو وزیراعظم عمران خان ٻاہرلے ملک نہ کوئی جائیداداں بݨائن تے نہ کوئی محل ڳھدن ، انہاں دی سیاست پاکستان دے عوام نال اے، 22 سال دی جدوجہد دے بعد عوام انہاں کوں وزیراعظم دے منصب تے ٻلھائے ۔ بدھ کوں سینیٹ اچ اعتراض دے نکتے تے انہاں آکھیے جو اڄ ایوان دے ماحول کوں خراب کرݨ دی کوشش کیتی ڳئی ، ملک اچ محب وطن کون اے ایندی تعریف کوں سمجھݨ دی لوڑھ اے ،وزیراعظم عمران خان ساری زندگی ملک کیتے وقف کرݙتی، جے او آپݨی ذات دا سوچیندے تاں انہاں کوں سیاست اچ آوݨ دی لوڑھ کائناں ہئی ، ملک دا احساس ہئی ایں کیتے سیاست اچ آئن ، انہاں کرکٹ توں جیڑھی کمائی کیتی او قانونی ذرائع توں ملک اچ گھن آئے ، غریباں کیتے کینسر ہسپتال بݨایا، ٻاوی سال دی جدوجہد دے بعد عوام انہاں کوں سرخرو کیتے تے وزیراعظم دے منصب تے ٻلھائے ، انہاں آکھیے جو وزیراعظم ݙوجھے لیڈراں وانڳوں سرے محل اتے ایون فیلڈفلیٹس نی بݨائے جنہاں منی لانڈرنگ کر تے رقم ٻاہر منتقل کیتی پاکستان دی عوام چنڳی طرح جاݨدن جو اے لوک کیڑھے ہن ۔ موجودہ حکومت دے احساس پروگرام اتے بئے منصوبے عوام دی فلاح و بہبود کیتے حکومتی عزم دی عکاسی کریندن ۔
