راولپنڈی۔21اگست (اے پی پی) وفاقی وزیر دفاعی پیداوار محمد رضا حیات ہراج آکھیے جو پاکستان اتے آذربائیجان سانجھے عقیدے، ثقافتی وابستگیاں اتے سانجھی روایتاں اچ گھاٹی وابستگی رکھیندن، انہاں سانجھے تعاون دے نویں شعبیں کوں لبھݨ کیتے ہک ݙوجھے دے اداریں دے دورے دے تبادلے دی تجویز پیش کیتی۔ وزارت دفاعی پیداوار توں جاری بیان موجب وفاقی وزیر دفاعی پیداوار محمد رضا حیات ہراج نال آذربائیجان دے سفیر خضر فرہادوف اتھاں ملاقات کیتی۔ وفاقی وزیر معزز مہمان دا خیرمقدم کیتا اتے سارے بین الاقوامی فورمز تے پاکستان کیتے آذربائیجان حکومت دے بھرا دے جذبات دی تعریف کیتی۔ محمد رضا حیات ہراج ݙوہیں ملکاں وچال موجودہ دفاعی تعاون دی تعریف کیتی اتے ایں کوں مزید وسعت ݙیوݨ دی خواہش کیتی۔ انہاں ایں ڳالھ تے زور ݙتا جو پاکستان اتے آذربائیجان سانجھے عقیدے، ثقافتی وابستگیاں اتے سانجھی روایتاں اچ گھاٹی وابستگی رکھیندن۔ وفاقی وزیر سانجھے تعاون دے نویں شعبیں کوں لبھݨ کیتے ہک ݙوجھے دے اداریں دے زیادہ دوریں دے تبادلے دی تجویز پیش کیتی۔ ایں توں انڄ وفاقی وزیر دفاعی پیداوار محمد رضا حیات ہراج نال بیلجیم دے سفیر چارلس آئیڈسبالڈ وی ملاقات کیتی۔ وفاقی وزیر آکھیے جو ݙوہیں ملکاں وچال تعلقات ویلھے دے نال نال ودھدے پئن اتے سارے شعبیں اچ ݙو طرفہ تعلقات کوں ودھارا ݙتا ویندا پئے، کاروباری شعبے اچ ساݙے تعاون دے حوالے نال، اے تدریجی طور تے ودھدا پئے اتے ایں اچ کئی گنا ودھارے دی توقع اے۔ معزز مہماناں ملاقات کیتے ویلھا کڈھݨ تے معزز وزیر دا شکریہ ادا کیتا اتے حکومت پاکستان دے نال سارے شعبیں اچ کم جاری رکھݨ کیتے آپݨی حکومت دے عزم دا اظہار کیتا۔ ݙوہیں سفیراں ݙو طرفہ تعلقات کوں مزید وسعت ݙیوݨ کیتے پاکستان دے نال مکمل تعاون کرݨ دیاں کوششاں دا یقین ݙیوائے۔
.jpg)
