اسلام آباد۔25اگست (اے پی پی)وفاقی وزیر داخلہ محسن نقوی نال ایرانی ہم منصب سکندر مومنی ٹیلی فونک رابطہ کیتا۔ ایرانی وزیر داخلہ پاکستان خاص کر خیبرپختونخوا، گلگت اچ طوفانی ودھ بارشاں اتے و سیلاب نال تھیوݨ آلے قیمتی انسانی جاناں دے ضیان تے افسوس کریندے پرچاوݨی ݙتی مرݨ آلیان کیتے دعا کیتی۔ ایرانی وزیر داخلہ پاکستانی ہم منصب محسن نقوی کوں سیلاب متاثرین دی مدد کیتے تعاون دی پیشکش کیتی۔ ایرانی وزیر داخلہ آکھیا جو پاکستان ساݙا بھرا اتے نیڑے دا ملک اے، آزمائش اچ ہر قسم دی مدد کوں تیار ہیں۔ پاکستان اچ سیلاب دی تباہ کاریاں ݙیکھ تے ٻہوں افسوس تھئے، اساں پاکستان دے عوام دے نال کھڑے ہیں۔ وزیر داخلہ محسن نقوی سیلاب زدگاں کیتے مدد دی پیشکش اتے یکجہتی تے ایرانی ہم منصب دا شکریہ ادا کریندے آکھیا جو ایران اتے پاکستان دیاں خوشیاں اتے غم سانجھے ہین، موسمیاتی تبدیلیاں پاکستان اچ تباہی دا موجب ٻݨدیاں پین، تاریخ اچ پہلی واری پاکستان ایں خطرناک موسمیاتی صورتحال توں گزردا پئے۔ سارے ادارے سیلاب متاثرین دی مدد کیتے فیلڈ اچ ہن اتے متاثرین دی بحالی و ریلیف پہلی ترجیح اے۔
